तरडोली ता. बारामती येथे वयाची 72 वर्षे ओलांडलेल्या इ. सातवीच्या सन 1967 सालच्या माजी विद्यार्थ्यांचा स्नेह मेळावा येथील शुभंकर लॉन्स येथे संपन्न झाला. या कार्यक्रमांसाठी मा. सनदी अधिकारी सुरेश खोपडे हे प्रमुख पाहुणे म्हणून आले होते. तर 1967 सालच्या बॅचचे विद्यार्थी तथा निवृत्त कमांडर सर्जेराव गाडे, निवृत्त मुख्याध्यापक ज्ञानदेव जाधव, भारत दीक्षित, विठ्ठल चोपडे, रामचंद्र शेरे, विलास कदम, लता येवले /खोपडे, कौशल्य बबन मांढरे/ पवार आदी उपस्थित होते. यावेळी उपस्थतांना मार्गदर्शन करण्यासाठी सुरेश खोपडे प्रमुख पाहुणे म्हणून आले होते . यावेळी बोलताना सुरेश खोपडे पुढे म्हणाले की, समाजात राहत असताना नेहमी सत्य व असत्याचा सामना प्रत्येकाला करावा लागतो. सत्य व्यक्त करण्यासाठी प्रत्येक व्यक्ती जागृत झाला पाहिजे. यानंतरच समाजातील विकृत प्रवृत्तीवर. आळा बसेल असे त्यांनी सांगितले. या कार्यक्रमाचे अध्यक्षस्थानी माजी विद्यार्थी तथा निवृत्त कमांडर सर्जेराव गाडे यांनी भूषवले. यावेळी त्यांनी बोलताना सांगितले की, सकारात्मक विचार व सेवाभाव हाच निरोगी जीवनाचा मार्ग असल्याचे सांगितले.तब्बल 58 वर्षांनी वय वर्षे बहात्तर असलेल्या विद्यार्थ्यांची ही शाळा तरडोली येथे पुन्हा भरली होती.
