गेल्या काही महिन्यांपासून लोणी भापकर ते दत्तमंदिर, दत्तमंदिर ते तरडोली रस्ता, लोणी भापकर ते बारवकर वस्ती व लोणी भापकर ते भोसले वस्ती या रस्त्याचा रस्त्याच्या दोन्ही बाजूंना काटेरी झुडपे वाढल्याने वाहतूक धोकादायक बनली होती. विशेषतः रात्रीच्या वेळी दुचाकीस्वारांना अडचणी येत होत्या. या पार्श्वभूमीवर लोणी भापकर येथील बलुतेदार संघटनेचे अध्यक्ष दादा कडाळे,धीरज आवाडे,विशाल भापकर,अमोल बारवकर
व प्रताप कडाळे यांनी ग्रामपंचायतीकडे झाडे काढण्याची लेखी मागणी केली होती.
या मागणीची दखल घेत ग्रामपंचायतीने जेसीबी मशीनच्या साह्याने काटेरी झाडे काढण्याचे काम हाती घेतले. काही तासांतच संपूर्ण झुडपे काढून रस्ता पूर्ववत मोकळा करण्यात आला. यामुळे शालेय विद्यार्थी, वाहनधारक तसेच पादचारी दोघांनाही मोठा दिलासा मिळाला आहे.
"रस्ता स्वच्छ व सुरक्षित राहण्यासाठी आम्ही तरुणांनी पुढाकार घेतला. गावच्या सर्व समस्यांवर असेच जलद निर्णय व्हावेत," अशी प्रतिक्रिया बलुतेदार संघटनेच्या तरुणांनी दिली.
...........
<
